Idantite kiltirèl ak patrimwan

Karakteristik Haiti se kantite ak kalite richès kiltirèl li posede, otantisite kilti sila , patrimwann li ak divèsite ekspresyon li yo jwe yo kokenchen wòl nan memwa ,idantite ak vitalite pèp sila. Li konstitye on poto mitan pou tout kouch sosyal ak tout ayisyen kit yo sou tè a kit yo lòt bò dlo.

MHAVE ,nan lide pou ranfòse lyen nan mitan tout jenerasyon ayisyen kap viv lòt bò dlo ak rasin yo, asire , nan tèt kole ak Ministè kilti , pomosyon idantite ak valè kiltirèl nou ,pou pèmèt pitit tè a rekonèt li , konpran kote yo soti , rekonekte ak rasin li , epi tounen nan sous li.

Lizay ak koutim pèp ayisyen fè on sèl ak pep sila ki pemet kilti ayisyèn nan vwayaje nan tout peyi lot bò dlo espesyalman ak dyaspora a ki se on fyè anbasadè.